QARA DİVAR           

          Eyni ürək xəstəliyi, eyni ağrını paylaşan iki yaşlı adam eyni otağı da paylaşırdılar. Tək fərq biri pəncərə kənarında digəri isə divar dibində yatırdı. Pəncərə kənarındakı yaşlı adam hər gün pəncərədən baxaraq yoldaşına bayırda olanları izah edərdi.            

       "Bu gün dəniz sakit, yenə də yüngül külək var deyəsən, çünki uzaqdakı gəminin yelkənləri küləklə dolur. Park bu səhər sakit, iki yelləncək dolu iki yelləncək boş, dünənki sevgililər yenə gəldi, eyni yerə oturub danışmağa başladılar, əl-ələ alovlandılar, nə qədər də yaraşırlar bir-birlərinə. Ağcaqayın ağacları nə qədər gözəl yarpaqlamış, hər yer bənövşəyi bir rəng bürümüş, ərik ağacları da ağ çiçəkləriylə onlara yoldaşlıq edir. Dənizin üzərindəki qağayılar bu günkü yeməklərini axtarırlar, nə gözəl də dalırlar suya"            

     Günlər belə keçib gedirdi də ki pəncərə kənarındakı yaşlı adam infarkt keçirənə qədər, elə o anda divar kənarındakı adam düyməni bassaydı qurtaracaqdı bəlkə yoldaşını.. amma şeytana uydu, bu qədər zamandır yalnız dinləyə bilirdi, artıq görə bilərdi də, elə bunun üçün düyməni basmadı və tibb bacısını çağırmadı. Eyni xəstəliyi paylaşdığı adamı ölümə göndərdi, amma o bunun haqlı bir müdafiə etmə olduğunu düşünürdü.            

     Sabahısı gün tibb bacıları ölən yaşlı adamın yerinə onu  qoymağa gəlmişlərdi. Dərhal yatağının yerini dəyişdirdilər,həmin pəncərə qırağına uzandırdılar,  günlərdir baxmaq istədiyi mənzərəni nəhayət görəcəkdi.            

Başını qaldırdı və pəncərədən baxdı            

          "Qapqara bir divar"